ԳԼԽԱՎՈՐՄիջազգային

Չինաստանում ապաքինվել է կորոնավիրուսով վարակվածների 94 տոկոսը. РИА Новости

Չինաստանում կորոնավիրուսն օրեցօր նահանջ է ապրում: Ներկայումս հիվանդանոցում է գտնվում 1558 մարդ:

Վարակվածների 94 տոկոսն ապաքինվել է:

Այս մասին գրում է РИА Новости-ն՝ վկայակոչելով Չինաստանի առողջապահության նախարարության ներկայացրած տվյալները:

Չինաստանում վարակվածների ընդհանուր թիվը կազմում է 81 639-ը, որից 76 755-ն ապաքինվել և դուրս է գրվել հիվանդանոցներից: Վերջին տվյալներով՝ Չինաստանում գրանցվել է վարակման 19 նոր դեպք: Մեկ օրում մահացել է 4 մարդ:

Հավելենք, որ վարակվածների թվով աշխարհում առաջին տեղն է զբաղեցնում Միացյալ Նահանգները: ԱՄՆ-ին հաջորդում են Իտալիան և Իսպանիան: Այս երկու երկրներում գրանցվել են ռեկորդային թվով մահացության դեպքեր: